‘සමාජ ව්‍යාපාරවල බලය’ යන තේමාව යටතේ AWID සමුළුව 2008 නොවැම්බර් 14-17 දිනවල දකුණු අප්‍රිකාවේ කේප් ටවුන්හි දී පැවැත්වුනා. මේ සමුළුවේ දී, “යාවත්කාලීව සිටීම!: දකුණු ආසියාවේ කුයර් කාන්තා අරගල” “Keeping Abreast!: Queer women’s struggles in South Asia”) සහ “ඔබේ භාෂාව ගැන සැලකිලිමත් වන්න: ලිංගික අයිතිවාසිකම් සංවාදයේ දේශීය භාෂාවල දේශපාලනය” (“Mind Your Language: Politics of the Vernacular in Sexual Rights Dialogue”) යන මාතෘකා යටතේ WSG විසින් සාකච්ඡා මඬුළු දෙකක ඉදිරිපත් කිරීම් සිදු කළා. 

ඉහත පළමු වැන්න යටතේ ශ්‍රී ලංකාවේ වර්තමානයේ LGBT අයිතිවාසිකම්වල තත්ත්වය ගැනත්, දෙවැනි ඉදිරිපත් කිරීම යටතේ අන්තර්ජාතික භාෂා නොවන දේශීය භාෂාවලින් බිම් මට්ටමේ ලිංගික අයිතිවාසිකම් වෙනුවෙන් කටයුතු කිරීමේදී අපගේ අත්දැකීම් පිළිබඳව තොරතුරු ඉදිරිපත් කළා. 

AWID යනු කාන්තා අයිතිවාසිකම් ව්‍යාපාරයේ ජාලගත වීම සහ සමාජ ව්‍යාපාර වැඩි දියුණු කිරීම අරමුණු කරගත් ප්‍රධාන ස්ත්‍රීවාදී රැස්වීමක් ය. එයට ලෝකයේ සියලුම කලාපවල ස්ත්‍රී පුරුෂ සමාජභාවය පිළිබඳ ගැටළු, කාන්තා අයිතිවාසිකම් සහ ස්ත්‍රීවාදී ව්‍යාපාරය සම්බන්ධයෙන් කටයුතු කරන ක්‍රියාකාරීන් එක්රැස් වෙනවා. ජලයට ඇති ප්‍රවේශයේ සිට අධ්‍යාපනය සහ ප්‍රචණ්ඩත්වය දක්වා විශාල පරාසයක විවිධ ගැටළු පිළිබඳව මෙහිදී  කතා වෙනවා.

මෙම සමුළුව අනෙකුත් අන්තර්ජාතික සහ කලාපීය කාන්තා සංවිධාන සමග ජාලගත වීමට ද උදව් වුනා.